મારી દ્રષ્ટિએ આ એક અત્યંત ગંભીર, ઘૃણાસ્પદ અને માનસિક રીતે પીડા આપનારો ગુનો છે , આ વાત પર જાગૃતિ લાવવી અત્યંત આવશ્યક છે. ચાલો, આપણે ઓનલાઈન એક્સ્ટોર્શન (બ્લેકમેલિંગ) અને મોર્ફિંગ ફ્રોડ વિશે વિગતવાર ચર્ચા કરીએ. આપ પણ આપના અનુભવો ને અમારા આ બ્લોગ શેર કરી શકો છો.

આપ જાણો જ છો કે આજના ડિજિટલ યુગમાં જ્યાં આપણે ઓનલાઈન કેટલા સક્રિય છીએ, ત્યાં આપણીજ સામે સાયબર અપરાધીઓ તો કેવા નવા નવા અને વધુ ઘૃણાસ્પદ ગુનાઓ આચરી રહ્યા છે. ઓનલાઈન એક્સ્ટોર્શન (બ્લેકમેલિંગ) અને મોર્ફિંગ ફ્રોડ એ આવા જ ગુનાઓ માંથી એક છે,

જેમાં ગુનેગારો પીડિતની અંગત, સંવેદનશીલ કે અપમાનજનક માહિતીનો ઉપયોગ કરીને તેમને ધમકાવે છે અને પછી પૈસા પડાવે છે. આમાં ઘણીવાર વ્યક્તિના ફોટા કે વીડિયોને મોર્ફ એટલે કે મન ફાવે એમ એડિટ કરીને અશ્લીલ કે અપમાનજનક બનાવી નાખે છે અને તેને જાહેર કે વાઇરલ કરવાની ધમકીઑ આપે છે.

અહિયાં સમજવું જરૂરી છે કે આ પ્રકારના ફ્રોડ લોકોને માનસિક તણાવ, સામાજિક બદનામી અને નાણાકીય નુકસાન પહોંચાડી શકે છે. આથી જો તમે અથવા તમારા કોઈ પરિચિત આવા ફ્રોડનો શિકાર બન્યા છો, તો ગભરાશો નહીં. ભારત સરકારનું નેશનલ સાયબર ક્રાઈમ રિપોર્ટિંગ પોર્ટલ (National Cybercrime Reporting Portal - cybercrime.gov.in) તમારી મદદ માટે છે. આ પોર્ટલ પર તમે ઘરે બેઠા જ આવા ગુનાઓની ફરિયાદ નોંધાવી શકો છો.

આ વાત અત્યંત મહત્વપૂર્ણ છે કે : જો તમે આવા ફ્રોડનો શિકાર બન્યા છો અને પૈસાની માંગણી થઈ હોય કે ચૂકવાયા હોય, તો તાત્કાલિક, એટલે કે ૨૪ કલાકની અંદર ફરિયાદ કરવી ખૂબ જ જરૂરી છે. આનાથી તમારા પૈસા ફ્રીઝ થવાની અને પાછા મળવાની શક્યતા વધી જાય છે. તાત્કાલિક હેલ્પલાઇન નંબર ૧૯૩૦ પર ફોન કરો અથવા ઓનલાઈન પોર્ટલ પર ફરિયાદ કરો. માટે યાદ રાખો, બ્લેકમેલર્સને પૈસા ચૂકવવાથી સમસ્યા હલ થતી નથી, પરંતુ તેમને વધુ પ્રોત્સાહન મળે છે. તો ચાલો આગળ મારા આ બ્લોગ માં વિસ્તાર થી આપેલ માહિતી ને સમજીએ અને લોકો સુધી લઈ જઈએ.

ઓનલાઈન એક્સ્ટોર્શન (બ્લેકમેલિંગ) અને મોર્ફિંગ ફ્રોડ શું છે?

આમ જુવો તો વાત બહુ સીધી છે, આમાં આ પ્રકારના ગુનાઓમાં,ગુનેગારો મુખ્ય રીતે પીડિતની પ્રતિષ્ઠા, અંગત જીવન, અને તેમની ડિજિટલ સુરક્ષાને નિશાન બનાવે છે.

ઓનલાઈન એક્સ્ટોર્શન (બ્લેકમેલિંગ):

• આમાં ગુનેગારો કોઈપણ રીતે હેકિંગ કરીને કોઈપણ વ્યક્તિની ખાનગી માહિતી, ફોટા, વીડિયો (અસલી કે મોર્ફ કરેલા), વિડીયો કોલ કરીને તેને સ્ક્રીન રેકોર્ડ કરીને મેળવે છે, તેમજ અન્ય સંવેદનશીલ ડેટા પણ કોઈ રીતે મેળવી લે છે.

• પછી તેઓ આ માહિતીને સાર્વજનિક કે વાઇરલ કરવાની ધમકી આપે છે, મિત્રો કે પરિવારજનોને મોકલવાની, કે ઓનલાઈન અપલોડ કરવાની ધમકી આપીને પીડિત પાસેથી પૈસા, ક્રિપ્ટોકરન્સી, કે બીજી કોઈ માંગણી કરે છે.

• મોર્ફિંગ ફ્રોડ (Sextortion/Morphing):

• આ એક અત્યંત ખરાબ પૈકી એક પ્રકારનો એક્સ્ટોર્શન છે જ્યાં ગુનેગારો પીડિતના સામાન્ય ફોટા કે વીડિયોનો સોફ્ટવેર કે AI નો ઉપયોગ કરીને તેને અશ્લીલ, અપમાનજનક, કે જાતીય સ્પષ્ટતાવાળા સ્વરૂપમાં ફેરવી નાખે છે. એટલે આને "મોર્ફિંગ" કહેવાય છે.

• ઘણીવાર, પીડિતને ડરાવી કે લોભાવીને વિડીયો કોલ પર નગ્ન થવા માટે પ્રેરિત કરવામાં આવે છે, અને પછી તે વીડિયો રેકોર્ડ કરીને બ્લેકમેલ કરવામાં આવે છે.

• આ મોર્ફ કરેલી સામગ્રીને ઇન્ટરનેટ પર અપલોડ કરવાની કે પીડિતના પરિવાર/મિત્રોને મોકલવાની ધમકી આપીને પૈસાની માંગણી કરવામાં આવે છે.

• આમાં, ગુનેગારો ઘણી જ સામાન્ય રીત અપનાવે છે, સોશિયલ મીડિયા પર નકલી પ્રોફાઇલ બનાવીને મિત્રતા કરે છે, વિશ્વાસ કેળવે છે, અને પછી બ્લેકમેલ કરે છે. આથી બને ત્યાં સુધી પેલા જરૂરી ખાત્રીઓ કરી પછી યોગ્ય લાગે એમ આગળ વધવું.

આવા ગુનાઓ કેવી રીતે પ્રસરતા હોય છે?

• સોશિયલ મીડિયા નકલી પ્રોફાઇલ: ગુનેગારો આકર્ષક કે જાણીતી વ્યક્તિઓની નકલી પ્રોફાઇલ બનાવીને મિત્રતા કરે છે.અને વિશ્વાસ આપવાની બધી કોશિશ કરી લ્યે છે.

• ડેટિંગ એપ્સ/મેટ્રિમોનિયલ સાઇટ્સ: રોમાન્સ સ્કેમ્સની જેમ, સંબંધોની મોહજાળમાં ફસાવીને અંગત માહિતી મેળવવી કે બ્લેકમેલ કરવું.ઘણી વખત સાઇકોલૉજીકલ ટ્રિક અપનાવે છે.

• ઇમેલ/મેસેજ: કેટલાક કેસમાં, ગુનેગારો તમારા હેક થયેલા પાસવર્ડ્સ કે અન્ય માહિતી હોવાનો દાવો કરીને સીધા બ્લેકમેલ ઇમેઇલ્સ મોકલે છે. જે ઘણી વાર હળતા ભળતા હોય સાવ ખોટા હોય.

• માલવેર/ફિશિંગ: તેઓ આમાં ખતરનાક માલવેર દ્વારા તમારા ડિવાઇસમાંથી અંગત ફોટા/વીડિયો ચોરી કરવા કે ફિશિંગ દ્વારા લોગિન ક્રેડેન્શિયલ્સ મેળવી લ્યે છે.

• પોર્નોગ્રાફી સાઇટ્સ: કેટલાક કિસ્સાઓમાં, પોર્નોગ્રાફી સાઇટ્સ જોનારાઓને નિશાન બનાવીને, તેમના ડિવાઇસ હેક થયા હોવાનો દાવો કરીને બ્લેકમેલ કરવામાં આવે છે. અને એમાં પણ હાલ માં ગેરકાયદેસર ai સોફટવેરથી એડિટ/મોર્ફ કરેલ વિડીયો બનાવીને પીડિત ને ડરાવે ધમકાવે છે.

  આવો સમજીએ આવામાં શું કરવું અને શું ના કરવું :

  ✅ શું કરવું (DOs):

  ડિવાઇસની પ્રાઈવસી સેટિંગ્સ તપાસો:

• તમારા વપરાશ માં લેતા તમામ સોશિયલ મીડિયા એકાઉન્ટ્સ અને અન્ય ઓનલાઈન પ્લેટફોર્મ્સ પરના પ્રાઈવસી સેટિંગ્સ હંમેશા સૌથી સુરક્ષિત રાખો. તમારી પ્રોફાઇલ જરૂરી ના હોય તો પબ્લિક ન રાખો.

  અજાણ્યા લોકો સાથે સાવધાન રહો:

• બને ત્યાં સુધી ઓનલાઈન અજાણ્યા લોકો સાથે મિત્રતા કરતી વખતે ખાસ સાવચેત રહો. અજાણ્યા લોકો સાથે કોઈ અંગત માહિતી, ફોટા, કે વીડિયો શેર ન કરો.

  વિડીયો કોલ પર સાવચેત રહો:

• આ જ મોડેસ ઓપરેન્ડી ખુબ વ્યાપક બની છે જેમાં અજાણ્યા લોકો સાથે વિડીયો કોલ કરતી વખતે, ખાસ કરીને જો તેઓ તમને નગ્ન થવા કે અયોગ્ય કૃત્ય કરવા માટે પ્રેરિત કરે, તો તાત્કાલિક કોલ કટ કરી દો. આવા વીડિયો રેકોર્ડ કરીને તમને બ્લેકમેલ કરવામાં આવી શકે છે.

  મજબૂત અને યુનિક પાસવર્ડ્સ:

• તમારા તમામ ઓનલાઈન એકાઉન્ટ્સ માટે 16 કેરેક્ટર થી વધુ ના મજબૂત અને યુનિક પાસવર્ડ્સનો ઉપયોગ કરો.

  ટુ-ફેક્ટર ઓથેન્ટિકેશન (2FA):

• જ્યાં પણ શક્ય હોય ત્યાં 2FA ને એક્ટીવેટ કરો અને થોડા સુનિશ્ચિત બનો.

  જાગૃત રહો અને જાણકારી મેળવો:

• નવા સાયબર ફ્રોડ અને બ્લેકમેલિંગ યુક્તિઓ વિશે જાણકારી મેળવતા રહો.આપ અહિયાં અમારા બ્લોગ પરથી તેમજ સરકારશ્રી ના વિવિધ પ્લેટફોર્મ પર થી માહિતી લઈ શકો છો.

  આવામાં જો તમે ભોગ બનો તો તરત જ જાણ કરો:

• પ્રથમ તો આપ ગભરાશો નહીં કે શરમ અનુભવશો નહીં. કેમ કે તે લોકો આ જ પરિસ્થિતિ નો લાભ લેતા હોય છે આથી તાત્કાલિક પોલીસ અને સાયબર ક્રાઈમ પોર્ટલને જાણ કરો.

• ❌ શું ન કરવું (DON'Ts):

  ખાસ સમજવું જરુંરી છે કે આપ બ્લેકમેલર્સને પૈસા ચૂકવશો નહીં:

• કોઈ પણ સંજોગોમાં બ્લેકમેલર્સને પૈસા ચૂકવશો નહીં. આમ કરવાથી તેઓ વધુ માંગણી કરશે અને તમને વધુ હેરાન કરશે.

  અંગત/અશ્લીલ ફોટા/વીડિયો શેર ન કરો:

• આગળ વાત કરી તે પ્રમાણે કોઈપણ અજાણ્યા વ્યક્તિને તમારા અંગત કે અશ્લીલ ફોટા/વીડિયો ક્યારેય શેર ન કરો, ભલે તમે તેના પર કેટલો પણ વિશ્વાસ કરતા હો.

  શંકાસ્પદ લિંક્સ પર ક્લિક ન કરો:

• અજાણ્યા મેસેજ કે ઈમેલમાં આવતી શંકાસ્પદ લિંક્સ પર ક્લિક ન કરો.

  માહિતીને અવગણશો નહીં:

• જો આપને કોઈ અજાણી વ્યક્તિ તમારી અંગત માહિતીનો ઉલ્લેખ કરે કે ધમકી આપે, તો તેને અવગણશો નહીં. તરત જ સાવધાન બનો.

  પરંતુ આપ વાયરલ થવાના ભયથી ડરશો નહીં:

• બ્લેકમેલર્સ તમને ધમકાવશે કે તમારી સામગ્રી વાયરલ કરી દેશે. આ ધમકીઓથી ડર્યા વિના તાત્કાલિક કાયદાકીય કાર્યવાહી કરો.

ચાલો તો ફરિયાદ નોંધાવવા માટે શું જોઈએ! એ સ્ટેપ બાય સ્ટેપ સમજીએ :

યાદ રાખો ફરિયાદ નોંધાવતા પહેલા આટલી માહિતી અને દસ્તાવેજોને તૈયાર રાખવા જોઈએ :

• છેતરપિંડીની તારીખ અને સમય: આપને ક્યારથી બ્લેકમેલિંગ શરૂ થયું,તેમના દ્વારા ક્યારે અને કેટલા પૈસા માંગવામાં આવ્યા, અને ક્યારે તમે પૈસા ચૂકવ્યા , (અને જો ચૂકવ્યા હોય તો કઈ રીતે તેની વિગતો ).

• તેમણે કઈ પ્રકારની છેતરપિંડી કરી : ઓનલાઈન એક્સ્ટોર્શન, મોર્ફિંગ ફ્રોડ, સેક્સટોર્શન, વગેરે .

• તેઓ એ આપનો સંપર્ક કયા માધ્યમ થી કર્યો : મહત્વનું છે કે કયા માધ્યમથી ગુનેગારોએ તમારો સંપર્ક કર્યો જેમ કે ફોન કોલ, SMS, ઈમેલ, વોટ્સએપ, ફેસબુક મેસેન્જર, ઇન્સ્ટાગ્રામ DM, ડેટિંગ એપ, સ્નેપચેટ વિગેરે.

• ગુનેગારની બધીજ ઉપલબ્ધ વિગતો રાખવી : જેમકે

• મોબાઈલ નંબર, ઈમેલ આઈડી, સોશિયલ મીડિયા પ્રોફાઇલ લિંક/યુઝરનેમ.

• તેમણે જે બેંક એકાઉન્ટ / UPI ID / ક્રિપ્ટો વોલેટમાં પૈસા ટ્રાન્સફર કરવાનું કહ્યું હોય સાથે આપે પૈસા ટ્રાન્સફર કર્યા હોય તેની બધી વિગતો.

• ગુનેગારે મોકલેલા મોર્ફ કરેલા ફોટા/વીડિયો : ખાસ જેને ડાઉનલોડ કર્યા વિના.

• આપની નાણાકીય વિગતો (જો પૈસા ગયા હોય તો):

• તમારી બેંકનું નામ, એકાઉન્ટ નંબર.

• તમે ચૂકવેલી કુલ રકમ અને દરેક ટ્રાન્ઝેક્શનની વિગત.

• ટ્રાન્ઝેક્શન આઈડી / રેફરન્સ નંબર.

• બેંક સ્ટેટમેન્ટ: જેમાં ચૂકવેલા પૈસાનો ટ્રાન્ઝેક્શન સ્પષ્ટપણે દેખાતું હોય એવી રીતે આપવું.

  રજૂ કરવા માટે પુરાવા:

• તમારી અને ગુનેગાર સાથેની થયેલ તમામ ચેટ કન્વર્ઝેશનના સ્ક્રીનશોટ લેવા જે પણ વોટ્સએપ, મેસેજિંગ એપ્સ, સોશિયલ મીડિયા DM વિગેરે દ્વારા થયેલ હોય.

• આવેલા શંકાસ્પદ મેસેજ (SMS/Email) ના સ્ક્રીનશોટ અચૂક લઈ લેવો .

• તેમના કોલનું રેકોર્ડિંગ (જો કર્યું હોય તો).

• તેમના ધમકીભર્યા સંદેશાઓના સ્ક્રીનશોટ રાખી લેવા.

• જો મોર્ફ કરેલા ફોટા/વીડિયો મોકલવામાં આવ્યા હોય, ખાસ તો તેને ડાઉનલોડ કર્યા વિના, ફક્ત તેના મેસેજ કે લિંકના સ્ક્રીનશોટ લઈ ને સુરક્ષિત જગ્યા પર રાખી દેવા જોઈએ.

• આ બધા પુરાવા ભવિષ્યમાં જરૂરી તપાસ માટે ખુબ જ મહત્વપૂર્ણ છે.

• તમારી અંગત વિગતો: નામ, સરનામું, સંપર્ક નંબર, ઈમેલ આઈડી રાખવા.

ચાલો હવે સમજીએ અને આપ કેવી રીતે નીચે દર્શાવેલ સ્ટેપ બાય સ્ટેપ દ્વારા નેશનલ સાયબર ક્રાઈમ પોર્ટલ પર ફરિયાદ નોંધાવવી શકશો:

અગત્યનો મુદ્દો: જો આ ફ્રોડમાં આપની મંજૂરી વગર પણ પૈસા ગયા હોય, તો સૌ પ્રથમ તમારી બેંકનો સંપર્ક કરો અને તેમને ફ્રોડ વિશે તેમને પ્રથમ જાણ કરો. પછી તરત જ સાયબર ક્રાઈમ પોર્ટલ પર ફરિયાદ નોંધાવો. આ વાત સમજવા જેવી છે કે બ્લેકમેલર્સને પૈસા ચૂકવવાથી આપની સમસ્યા હલ થતી નથી.

તબક્કો ૧: આપ નેશનલ પોર્ટલ પર જાઓ અને તાત્કાલિક કાર્યવાહી કરો.

• આપ સૌ પ્રથમ, તમારા બ્રાઉઝરમાં www.cybercrime.gov.in વેબસાઇટ ખોલો.

• જેમાં હોમપેજ પર તમને "File a Complaint" અથવા "शिकायत दर्ज करें" નો વિકલ્પ દેખાશે. તેના પર ક્લિક કરો.

• હવે જો પૈસાની છેતરપિંડી થઈ હોય, તો વેબસાઈટ પર "Report Financial Fraud" નો અલગ વિકલ્પ હોય શકે છે અથવા સીધો ૧૯૩૦ નંબર પર ફોન કરવાની સૂચના પણ હોય શકે છે. ૧૯૩૦ પર ફોન કરવો એ પૈસા ફ્રીઝ કરાવવા માટેનો સૌથી ઝડપી માર્ગ છે.

તબક્કો ૨: નેશનલ પોર્ટલ પર આપેલ શરતો સ્વીકારો અને આગળ વધો.

• ઉપયોગની શરતો (Terms and Conditions) વાંચો અને "I Accept" (હું સ્વીકારું છું) પર ક્લિક કરીને "Submit" અથવા "Proceed" કરો.

તબક્કો ૩: ફરિયાદનો પ્રકાર પસંદ કરો.

• હવે તમને "Report Cyber Crime" અને "Report Other Cyber Crime" વિકલ્પો દેખાશે.

• બ્લેકમેલિંગ અને મોર્ફિંગ ફ્રોડ માટે, "Report Cyber Crime" પર ક્લિક કરો.

તબક્કો ૪: નાગરિક લોગિન પર જાવ (Citizen Login)

• જો અહિયાં તમે પહેલીવાર ફરિયાદ કરી રહ્યા છો, તો "New User? Click Here to Register" પર ક્લિક કરીને રજીસ્ટ્રેશન કરો.

• તમારું રાજ્ય, યુઝરનેમ (સામાન્ય રીતે મોબાઈલ નંબર), ઈમેલ આઈડી દાખલ કરો.

• મોબાઈલ પર OTP મોકલવા માં આવશે , તે આવેલો OTP દાખલ કરીને રજીસ્ટ્રેશન પૂર્ણ કરો.

• હવે તમારા મોબાઈલ નંબર અને OTP/પાસવર્ડનો ઉપયોગ કરીને લોગિન કરો.

• જો તમે પહેલાથી રજીસ્ટર થયેલા છો, તો સીધા લોગિન કરો.

તબક્કો ૫: આપ સાથે બનેલ ઘટનાની વિગતો દાખલ કરો (Incident Details)

• પેલા લોગિન કર્યા પછી, "Incident Details" ફોર્મમાં નીચે મુજબની વિગતો ભરો:

• "Category of Complaint": અહીં "Online Extortion/Blackmailing", "Morphing/Sextortion", "Cyber Stalking/Harassment", "Financial Frauds" (જો પૈસા ગયા હોય) અથવા સંબંધિત વિકલ્પને પસંદ કરો.

• "Date and Time of Incident": ક્યારથી છેતરપિંડી શરૂ થઈ તેની ચોક્કસ વિગત ભરવી.

• "Mode of Fraud": છેતરપિંડી કેવી રીતે થઈ તે જણાવવું (દા.ત., Social Media, Dating App, WhatsApp, Video Call, Email) વિગેરે.

• "Platform Used for Fraud": ચોક્કસ પ્લેટફોર્મનું નામ આપવું (દા.ત., Facebook, Instagram, WhatsApp, Telegram, Tinder, Grindr)વિગેરે.

• "Amount Involved": કેટલા પૈસાની માંગણી થઈ કે આપ દ્વારા ચૂકવાયા હોય. (જો લાગુ હોય).

• "Transaction Details": ટ્રાન્ઝેક્શન આઈડી, કઈ બેંકમાંથી ચૂકવણી થઈ (જો લાગુ હોય).

• "Suspect Details": ગુનેગારનો મોબાઈલ નંબર, ઈમેલ આઈડી, સોશિયલ મીડિયા પ્રોફાઇલ, બેંક એકાઉન્ટ નંબર / UPI ID - જો ખબર હોય તો.

• "Brief description of incident": આપ સાથે બનેળ ઘટનાનું ટૂંકું અને સ્પષ્ટ વર્ણન કરો. કે કેવી રીતે આપનો સંપર્ક થયો, શું માંગવામાં આવ્યું, કઈ ધમકીઓ આપવામાં આવી, અને કેવી રીતે છેતરપિંડી થઈ તેની વિગતો આપો.

• આ બધી વિગતો ભર્યા પછી, "Save and Next" પર ક્લિક કરો.

તબક્કો ૬: શંકાસ્પદ વ્યક્તિની વિગતો (Suspect Details) - જો હોય તો

• આ વિભાગમાં છેતરપિંડી કરનાર વિશેની કોઈપણ પ્રકારની વધારાની માહિતી દાખલ કરો.

• "Save and Next" પર ક્લિક કરો.

તબક્કો ૭: પીડિતની વિગતો (Victim Details)

• આ વિભાગમાં તમારી અંગત વિગતો દાખલ કરો: જેમકે તમારું પૂરું નામ, સરનામું, સંપર્ક માહિતી વગેરે.

• "Save and Next" પર ક્લિક કરો.

તબક્કો ૮: ભેગા કરેલ પુરાવા અપલોડ કરો (Upload Evidence)

• આ સૌથી મહત્વપૂર્ણ સ્ટેપ છે. તમારી પાસે જે પણ પુરાવા હોય, તેને અહીંયા ચૂક્યા વગર અપલોડ કરો:

• ગુનેગાર સાથેની તમામ ચેટ કન્વર્ઝેશનના સ્ક્રીનશોટ.

• આવેલા ધમકીભર્યા મેસેજ (SMS/Email) ના સ્ક્રીનશોટ.

• ગુનેગારે મોકલેલા મોર્ફ કરેલા ફોટા/વીડિયોના સ્ક્રીનશોટ (સામગ્રી ડાઉનલોડ કર્યા વિના).

• જો પૈસા ચૂકવ્યા હોય તો બેંક સ્ટેટમેન્ટ.

• આ પુરાવા ભવિષ્યમાં તપાસ માટે ખુબ જ મહત્વપૂર્ણ છે.

• "Save and Next" પર ક્લિક કરો.

તબક્કો ૯: તમે જે વિગતોની આપી છે તેની સમીક્ષા અને કન્ફર્મ કરો (Review and Confirm)

• તમે દાખલ કરેલી બધી વિગતોની ફરી એકવાર ચોક્કસાઈથી ખાસ સમીક્ષા કરો જોઈ લો કોઈ ભૂલ ચૂક ના રહી જાય.

• બધી માહિતી સાચી હોય તો "Confirm & Submit" પર ક્લિક કરો.

તબક્કો ૧૦: હવે ફરિયાદને સબમિટ કરી અને Acknowledgment નંબર મેળવો

• ફરિયાદ સફળતાપૂર્વક સબમિટ થયા પછી, તમને એક Acknowledgment Number (ફરિયાદ નંબર) મળશે.

• આ નંબરને સાચવીને રાખો. તમે આ નંબરનો ઉપયોગ કરીને તમારી ફરિયાદનો સ્ટેટસ ચેક કરી શકો છો.

• તમને તમારી ફરિયાદની PDF કોપી ડાઉનલોડ કરવાનો વિકલ્પ પણ મળશે. તેને પણ સાચવી રાખો.

• બાદમાં આપના નજીકના અથવા લાગુ પડતાં પોલીસ સ્ટેશન પર વિગતો સાથે જઈ સાઇબર સેલનો સંપર્ક કરો.

ખાસ યાદ રાખો: ઓનલાઈન એક્સ્ટોર્શન અને મોર્ફિંગ ફ્રોડ એ ગુનેગારો દ્વારા આચરાતો એક ગંભીર ગુનો છે. આમાં પીડિતની કોઈ ભૂલ હોતી નથી. જો તમે આનો શિકાર બનો છો, તો ચૂપ ન રહો. તમારી સુરક્ષા અને માનસિક શાંતિ માટે તાત્કાલિક મદદ માંગો. પોલીસ તમારી મદદ કરવા માટે છે.

સંબંધિત પોસ્ટ